"Pagkahimong Katawohan sa Gugma"
2 Mga Taga-Corinto 13: 1-3, 13
Dave A
Dave A
“Ang Sambingay Mahitungod sa Adunahan nga Nagsalig sa Iyang Bahandi” 13 May tawo didto nga miingon, “Magtutudlo, sultihi ang akong magulang nga lalaki nga bahinan niya ako sa among napanunod nga kabilin.” 14 Miingon si Jesus kaniya, “Uy tawo, unsa ako, huwes o tigbahin sa inyong mga kabtangan?” 15 Unya misulti si Jesus sa mga tawo, “Pagbantay kamo sa tanang klase sa pagkahakog, kay ang tinuod nga pagkinabuhi dili diha sakadaghan sa kabtangan.” 16Unya misulti si Jesus kanila niini nga sambingay, “May usa ka tawong adunahan nga may yuta nga daghan gayod ang ani. 17Busa miingon siya sa iyang kaugalingon, ‘Unsa may akong himuon? Wala na akoy kabutangan sa akong ani! 18 Maayo pa tingali nga ipaguba ko ang akong mga bodega ug magpatindog ug mas dako pa gayod, ug didto ko ibutang ang akong mga ani ug mga kabtangan. 19Ug tungod kay daghan na ang akong natigom alang sa umaabot nga mga tuig, magpahayahay na lang unya ako, mokaon, moinom, ug maglipay!’ 20Apan miingon ang Dios kaniya, ‘Buang-buang! Karong gabii bawion ko kanimo ang imong kinabuhi. Busa kinsa man ang makapahimulos sa imong gitigom nga mga kabtangan?’ 21 Mao usab kana ang mahitabo sa tawo nga magtigom ug mga bahandi alang sa iyang kaugalingon apan kabos atubangan sa Dios.”
Pangutana, kini bang tawhana usa ka dautang tawo? Nakapasakit ba sa sa iyang isigkatawo? Di ba Wala! Siya usa ka maayong tawo, usa ka maayong negosyante, ordinaryo nga tawo nga sama kanimo og kanako. Unsa diay ang iyang sayop? Daotan ba ang pagtipig o pagtigum ug mga bahandi? Di ba dili! Apan kining tawhana naghunahuna lamang sa iyang kaugalingon. Tingali, ang Dios naghatag kaniya ug daghang mga ani, tungod kay buot sa Dios nga siya mobahin o mohatag usab niadtong nagkinahanglan sa iyang palibot. Apan wala. Sa iyang hunahuna “magtukod ako sa mas dako nga kamalig”, ibutang ko ang kabtangan sa mas dako pa nga sudlanan. Dili magpanalangin sa uban. Mao kini ang iyang sayop, sa pagbaton ug pagbaton ug pagbaton sa mga butang. Sa tin-aw nga pagkasulti sa Diyos, - nga dili kana ang punto/tumong sa kinabuhi. Ang materyal nga mga butang ug bahandi dili kana maoy tumong nga ang Dios mopanalangin kanato.
So, sa unsang diay nga paagi? Ang Bibliya nag-ingon kanato sa Mga Taga Galacia 5: 6, “Tungod kay kon anaa na kita kang Cristo Jesus, dili na importante kon tinuli kita o dili. Ang atong pagtuo mao ang importante, ang pagtuo nga makita pinaagi sa atong paghigugma sa atong isigkatawo.” Ang mahinungdanong kinabuhi dili kini makita sa atong mga kalampusan o sa atong kadungganan o sa atong bahandi. Usa ka butang nga importante sa kinabuhi - mao ang atong hugot nga pagtuo nga makapahimo kanato sa paghigugma sa ubang tawo. Kon ato kining gibalewala, ato usab gibalewala ang importanting butang sa kinabuhi. Ato karong susihon ang mga kamatuoran nga makita sa 1 Corinto 13:
1. Kon walay gugma - walay kapuslanan ang gipanulti /moingon.
Bersikulo 1: "1 Bisan makasulti ako sa nagkalain-laing mga pinulongan sa mga tawo ug sa mga anghel, apan kon wala akoy gugma sa akong isigkatawo, sama lang ako sa agong nga saba o piyangpiyang nga nagtagingting" Ang Bibliya nagasulti kanato nga ang pulong nga walay gugma, sama kana sa piyangpiyang nga nagtagingting pirting sabaa. Ang mga pulong nga walay gugma, walay pulos.
Kita biya, mahilig ra biya ta makig-istorya sa uban. Malingaw ta sa pagpakig-istorya labina kong suod natong higala. Malingaw ta makipagpulong samtang nagkaon ta o kaha nalakaw-lakaw, makig-istorya mahitungod sa daghang mga butang. Kita naga-istorya mahitungod sa mahinungdanon nga mga butang, o kaha bisan pa sa mga kabuangan. Paminaw, kon ang atong sinultihan ug panag-istoryahanay wala moabot sa pundasyon sa gugma – nga gikan sa kasingkasing – naghisgot ra ka ug walay kapuslanan (basora) – nagyamayama ra ka. [We have to listen to our conversations… what are we talking about? No matter how true, no matter how interesting, no matter juicy, no matter how informative – but if we do not live a life of love – the Bible says it does not matter! NOISE! Irritating noise – clanging cymbals! ]
2. Kon wala ang gugma, walay kapuslanan ang mga kahibalo.
Bersikulo 2: "Ug bisan makasugilon ako sa pulong sa Dios ug makasabot sa tanang tinagong mga kamatuoran ug sa tanang kahibalo, kon wala akoy gugma wala gayod akoy kapuslanan."
Bisan pa man kon ikaw mahimong usa ka sikat niining kalibutan, henyo, adunay talagsaon nga kahibalo sa siyensiya, o math o kasaysayan, nakahibalo sa tanan nga bersikolo, complete sa iyang credentials [undergard, masteral, phd] sa pagsusi sa imong kahibalo.
Apan ang Bibliya nag-ingon nga kon walay gugma diha sa imong kinabuhi, ang tanan nga imong nahibaloan walay bili.
Rick Warren miingon, "Kita nagpuyo niining kalibutan diin ang kahibalo nagataas - nagataas. “Nagaduble kini sa matag unom ka tuig sa atong kaliwatan. Apan sa gihapon aduna kitay parihong daan nga problema - gubat, terorismo, krimen, pag-abuso, pagpihig, pagdumot, kapintasan." Ngano kaha? Sultihan ko kamo, tungod kay ang gikinahanglan sa kalibutan dili ang kahibalo; kon dili nagkinahanglan kini ug dugang/daghang gugma. Kon walay gugma, sigi ra tag away, ang tanan natong kahibalo walay gyud nay pulos.
3. Kon walay gugma, walay kapuslanan ang mga pagtuo
Bersikulo 2 nagpadayon sa pag-ingon, "ug bisan mapabalhin ko ang bukid tungod sa akong dakong pagtuo, kon wala akoy gugma wala gayod akoy kapuslanan..."
Alang sa mga pipila ka Kristohanon, adunay mga misconception o mga sayop nga pagtulon-an, Kon ikaw Kristohanon nagatuo lamang sa pipila ka mga kamatuoran. Kini dili tinuod. Kini mga bakak nga pagtulon-an. Ang pagsunod ni Kristo mas labaw pa kay sa pagtuo sa intellectual nga kamatuoran o doktrinal nga mga kamatuoran. Ang tinood nga Kristohanon adunay kinabuhi sa gugma. Nagkinabuhi pinaagi sa gugma. Siguro moingon ka kanako nga nagtuo ka kay Jesus. Oo nagatuo ka kay Jesus apan ang yawa usab nakatuo kay Jesus nga anak sa Diyos. Unsa karon ang kalainan?
Ang kalainan sa atong pagtuo nga kita mahimong usa ka buhing pagpamatuod sa gugma… nagkinabuhi sa gugma. Ang atong pagtuo maoy mag-usab sa atong kinabuhi gikan sa pagdumot sa paghigugma, gikan sa pagdaut sa pag-atiman sa uban.
Ang pagtuo makapadasig kanato sa pagbuhat ug maayo, makahigugma sa ubang tawo – kay ang atong hugot nga pagtuo nagkinahanglan kana og gugma! Ang Bibliya nag-ingon, " Ang moingon nga nahigugma siya sa Dios, apan wala mahigugma sa iyang igsoon, kanang tawhana bakakon." 1 john 4:20.
4. Kon walay gugma, walay kapuslanan ang tanang lihok ug paghatag
V3. "Bisan iapod-apod ko pa sa mga kabos ang tanan kong mga kabtangan, ug bisan ihalad ko ang akong lawas aron sunogon, kon wala akoy gugma, wala gihapon akoy kapuslanan."
Makahimo ba ta sa paghatag nga hakog ug tingoha? Oo diba, kay ang paghatag dili tanan adunay gugma. Ang ubang mga tawo naghatag lamang aron makakuha og balik. Kana dili gugma. Kitang mga Filipino aduna kitay kinaiyahan nga “walay utang nga kabubut-on”. Mga igsoon ko, susiha ang imong kaugalingon, siguro aduna kitay mga kinaiyahan nga sama niini, ang hagit nako sa inyoha…
Ang bibliya nagaingon nga kon gibuhat ninyo kini nga walay gugma walay kapuslanan ang inyong paghatag.
5. Kon walay gugma, walay kapuslanan ang tanang nabatonan ug kalampusan.
1 Corinto 13: 3 Sa Message Paraphase Bible, tin-aw kaayo ang pag-ingon "Bisan unsa ang akong isulti o unsa ang akong gituohan o unsa ang akong buhaton, ako bangkrap walay gugma."
Kadaghanan sa atoa diri mahilig magpundok ug talagsaon nga listahan sa mga personal nga kalampusan. Ato kining ipahambog sa tanan nga aduna kitay nahimo sa communidad o naabot sa kinabuhi. Apan ang Bibliya nagaingon nga wala kini bili kon walay gugma.
Sa adlaw unya, nga kita motindog sa atubangan sa Dios sa diha nga kita mamatay. Ug ang Dios magsusi sa atong kinabuhi. Sa diha nga Siya magtimbangtimbang sa atong kinabuhi, siya dili motan-aw sa atong nabuhat. Siya dili sa pagbasa sa atong kalampusan. Dili siya motan-aw sa atong mga grado o sa atong mga diploma ug resume. Siya dili moadto ug pangutana sa imong balay. Ang Diyos magsusi sa atong kinabuhi pinaagi sa atong mga relasyon. Ang Dios mangutana, "Unsa ka dako ang imong paghigugma kanako, ug sa ubang mga tawo?" Wala kamo mohatag ug tubig ngadto sa imong igsoon sa diha nga siya giuhaw? Wala kamo mobisti sa dihang siya walay sapot/hubo? Wala kamo mobisita kaniya sa diha nga siya atoa sa bilanggoan? Wala kamo higugmaa ang Dios sa tibook nimong kasingkasing, ug wala kamo nahigugma sa inyong silingan nga sama sa imong kaugalingon? Mao kana ang bililhon sa mata sa Diyos.
Kumusta ang imong kinabuhi igsoon? Nagkinabuki ka ba uban sa gugma? Sa unsang paagi ikaw nahigugma?
_________
Sa kadaghanan karon ang pulong gugma gihimo na lang kabuangan, labina gyud sa pulong Inglis. Gigamit kini sa nagkalainlaing mga butang og bisan pa man sa emosyonal nga pagbati… [I love you, I love my…] nadungog usab nato ang nagkalain-laing kahulugan sa gugma, ug ang uban sa ato diri aduna usab nagkalainlaing kahulugan sa gugma. [love is blind, love is like a chocolate…]
Apan sa pagsusi ko sa diksiyonaryo wala kini tino o klarong kahulugan. Dili tin-aw og dili lawom ang kahulugan niini. Naghunahuna ko kong ngano dili nila mabutang kini sa lawom nga mga pulong.
Apan ang Bibliya adunay klarong lawom nga kahulugan sa gugma. Unsa ang gugma? Atong tan-awon ang mga pipila gikan sa Bibliya.
1. Ang gugma mao ang sentro sa mga sugo
Marcos 12: 28-31, "May usa ka magtutudlo sa Kasugoan didto nga nakadungog sa ilang panaglalis. Nadungog niya nga maayo ang tubag ni Jesus. Busa miduol siya ug nangutana usab, “Unsa ba gayod ang labing mahinungdanon nga sugo?” 29 Mitubag si Jesus, “Ang labing mahinungdanon nga sugo mao kini: ‘Pamati kamo nga mga taga-Israel! Ang Ginoo nga atong Dios mao lang ang Ginoo. 30 Busa higugmaon mo ang Ginoo nga imong Dios sa tibuok mong kasingkasing, sa tibuok mong kalag, sa tibuok mong hunahuna ug sa tibuok mong kusog.’ 31 Ang ikaduha nga labing mahinungdanon nga sugo mao kini: ‘Higugmaon mo ang imong isigkatawo sama sa paghigugma mo sa imong kaugalingon.’ Wala nay sugo nga labaw pa niining duha.” NIV
Ang Dios nagsugo nga kita nahigugma sa usag usa. Kini dili opsyonal o suhestyon kundili usa kini nga sugo. 2 Juan 1: 6, "Ang gugma makita dinhi kanato kon tumanon nato ang mga sugo sa Dios. Ug ang iyangsugo nga inyong nadunggan sukad nga kamo mituo mao kini: kinahanglan magkinabuhi kamo nga may paghigugma.”
2. Ang gugma usa ka pagpili.
Pagpili sa paghigugma o dili paghigugma. Kini usa ka pagpili. Ang Bibliya nag-ingon sa 1 Mga Taga-Corinto 14: 1 “Busa paningkamoti gayod ninyo nga maghigugma…” Kana nagpasabut sa pagpili. Desisyon. Pagpili. Ang gugma mao ang usa ka pagpili. Kita mopili sa paghigugma o dili mahigugma.
Adunay mga pagtuluna-an sa gugma nga usahay tama sa atong pangdulungog apan sayop palandungon. Sama sa ang gugma di kapugngan o aksidente nga nahigugma. Murag walay control sa paghigugma. Tinood ba na? Apan ang gugma igsoon us aka pagpili. Pagpili sa paghigugma o dili paghigugma.
3. Ang gugma usa ka kinaiyahan.
Ang gugma usa ka butang nga dapat natong buhaton. Ang Bibliya nag-ingon diha sa 1 Juan 3:18, "Mga anak, dili lang kita magsulti nga nahigugma kita, kondili ipakita nato sa atong mga binuhatan nga tinuod ang atong paghigugma.” Ang gugma dili usa ka butang nga imong gibati o imong giistoryahan. Ang gugma usa ka butang nga imong buhaton. [Adunay usa ka bana nagsigig sulti sa iyang asawa. "sweetheart, pakamatyan ta gyud ka.” Ingon pusa sa iyang asawa, "Ikaw sigi lang ka ug ingon ana - pakamatyan, pero wala nimo gibuhat.] Ang gugma usa ka butang nga imong buhaton. Usa ka kinaiya.
4. Ang gugma usa ka pasalig.
1 Juan 4:16 nag-ingon, "Ang Dios gugma. Ug ang nagakinabuhi nga may paghigugma, anaa sa Dios, ug ang Dios anaa kaniya." Sa kadaghanan, ang atong relasyon sa Dios, naapekto sa atong relasyon sa ubang tawo. Apan kong kita magpabilin kita diha sa gugma, uban sa Dios. Siya magpabilin uban kanato. Tungog kay ang Diyos gugma - magpadayon sa paghigugma.
Sa pag-andam nako niining mensahea karon, ako usab nahimong sad-an, naulaw tungod kay aduna usab akoy kakulang sa paghigugma sa uban. Usahay taphaw lamang ang akong napakita sa uban aron lamang mailhan. Apan sa sulod adunay lahi nga tinagoan. Mga igsoon, ang hagit nako sa iyo karon nga kita magtubo, magbuhat diha hamtong nga paghigugma sa Dios ug sa ubang tawo. Aron kitang tanang mahimong katawhan sa Gugma. 1 Corinto 14:1 “Busa paningkamoti gayod ninyo nga maghigugma”
Sa katapusan,
V13 "Tulo ka butang ang magpadayon ug kining tulo mao ang pagsalig/pagtuo, paglaom, ug ang gugma. Apan ang gugma mao gayod ang labing mahinungdanon. Nganong ang gugma ang labing dako o mahinungdanon? Tungod kay kini molungtad sa walay kataposan. Kon atoa na kita unya sa langit, dili na kita magkinahanglan sa pagtuo, tungod kay anaa na kita sa atubangan/presensya sa Dios. Sa diha nga kita atua sa langit, dili na kita magkinahanglan sa paglaum. Tungod kay ang tanan natong gilauman isa-isahon niya kini sa pagtubag. Apan ang gugma mao gyud ang mahinungdanon tungod kay ang langit puno sa gugma tungod kay ang Dios gugma. Ang Bibliya wala mag-ingon nga ang Dios pagtuo. Ang Bibliya wala mag-ingon nga ang Dios paglaum. Ang Bibliya nag-ingon ang Dios gugma.
Salamat Ginoo sa imong gugma kanamo. Dili namo kini matugkad kong unsa ka lawon, dako, o lapad ang imong gugma. Salamat kaayo Ginoo kay imo kaming gihigugma bisan niadtong makasasala pa kami ikaw nahigugma kanamo. Akong mga pagampo nga magpadayon ka sa pagtudlo kanamo sa gugma aron usab kami makahigugma sa matag-usa. Amen
