Magmalipayon ang tanan, kay katawo
na si Jesus.
Ang pasko usa ka panahon sa
pagsaulog sa kalipay diha kay Kristo.
Maayong Pasko! Ang pulong nga
makahatag ug kalipay sa atong mga kasingkasing.
Ang Pasko usab mao kini ang
sinugdanan sa usa ka tinuod nga istorya sa Paglaum, Kalinaw, Kalipay ug
Gugma.
Karong buntaga atong hisgutan
ang Kalipay sa magbalantay mahitungod kay Jesus nga makita sa
Lukas 2.
8 Niadtong dapita may mga magbalantay
sa karnero nga nagtukaw sa kagabhion aron pag-atiman sa ilang mga hayop didto
sa kaumahan. 9 Mitungha kanila ang usa ka
anghel sa Ginoo ug midan-ag kanila ang himaya sa Ginoo busa nalisang kaayo
sila. 10 Apan miingon ang anghel kanila, “Ayaw
kamog kahadlok! Ania ako nagdalag maayong balita alang kaninyo nga makalipay
kaayo sa tanang katawhan. 11 Kay karong
gabhiona, natawo sa lungsod ni David ang inyong Manluluwas, ang Cristo nga
Ginoo! 12 Mao kini ang inyong ilhanan:
makaplagan ninyo ang usa ka bata nga giputos ug panapton ug naghigda sa
pasungan.” 13 Ug sa kalit mitungha usab uban sa
anghel ang usa ka dakong panon sa mga anghel sa langit nga nag-awit ug mga
pagdayeg sa Dios:
14“Dalaygon ang Dios sa kahitas-an, ug
sa yuta panagdait
sa mga tawo nga iyang gikahimut-an!”
15Sa namalik na ang mga anghel ngadto
sa langit, ang mga magbalantay sa karnero nag-ingnanay, “Mangadto kita sa
Betlehem ug tan-awon nato kining nahitabo nga gipahibalo kanato sa Ginoo.”
16Busa midali sila pag-adto ug nakit-an
nila si Maria ug si Jose ug ang bata nga naghigda sa pasungan. 17Sa diha nga ang mga magbalantay nakakita sa bata,
gisugilon nila ang gisulti sa anghel mahitungod kaniya.18Ug ang tanang nakadungog niini nahibulong sa
gibalita kanila sa mga magbalantay sa karnero. 19Gitipigan ni Maria kining tanan sa iyang
kasingkasing ug namalandong siya pag-ayo mahitungod niining mga butanga. 20Unya namauli ang mga magbalantay nga nag-awit ug
mga pagdayeg sa Dios tungod sa tanan nga ilang nadungog ug nakita sumala gayod
sa gisugilon kanila sa anghel.
Pangutana, wala ka ba
nakapanguta nga sa kadanghang mga tao sa kalibutan nganong Sa magbalantay pa sa karnero nagpakita ang
angel? Unsa may naa niining mga tawhana? (my story)
Kong tan-awon nato ang hulagway Sa magbalantay karnero
sila ang mga
• mahugaw ug trabaho. Adlaw man ug Gabii. Tag-ulan man ug tag-init. Magsunodsunod
Sa karnero. Tungod sa ilang buhat dili sila makahimo sa pagtambong sa bisan unsa
nga okasyon.
• Nahilain ug hingkalimtan Sa
communidad. Ang pagbantay Sa karnero dili kini magpuyo Sa USA kA Lugar. Nagpangita
kini ug lab-as nga nga balili ug presko nga tubig
• Gitratar sa pagtamay ug
kawalay-pagsalig gikan sa ilang agalon. Sila pirmi gidudahang sa pagpangawat sa
mga karnero. Syempre kong magbalantay sa karnero sunod bulan/tuig ka pa
magbalik nag-expect ang tag-iya sa karnero nga daghan na ang mga anak niini,
Usahay dili gyud sila kasaligan.
• Nailhan sila kusgan ug maisugon.
(david) Nabuhi sila sa kaumahan/lasang bisag sila ra ang tawo. Mabuhi sila
bisan nag-inosara lang sila mao nga dili kaayo sila dayag sa kadaghanan. Mao
nga dili usab sila bastabasta makadani sa ubang tawo.
Apan gipiyal sa Ginoo ang
labing dako/maayong balita nga gidala sa anghel gikan sa langit ngadto sa
magbalantay sa karnero. Sa pagkatinood, kini usa ka talagsaon nga istorya. Apan
kong tan-awon nato ang ubang storya sa Bibliya, Ang Ginoo kanunay nagbuhat ug
mga kahibulongan buhat, ug gipadayag niya kini sa mga hingkalimtan, gitamay,
mahugaw, timawa ug uban pa.
Matthew 9:11-12 nagingon, “Ang mga tawo nga
walay sakit wala magkinahanglag doktor kondili ang masakiton ra… Kay wala ako moanhi aron pagtawag sa mga
matarong kondili sa mga makasasala.”
Makita nato kini sa iyang
pagpuyo dinhi Sa yuta. Nakigsalo Sa mga tax collector, nakigstorya Sa mga
prostitute ug sa dunay balatian.
Lukas 1:52 Gipukan niya ang mga hari nga gamhanan gikan sa ilang mga trono, ug
gituboy ang mga timawa.
Si apostol Pablo nag-ingon Sa 1
Corinto 1: 27 Gituyo pagpili sa
Dios ang giisip sa mga tawo nga walay kapuslanan aron pakaulawan ang mga
maalamon ug gipili niya kadtong giisip nga huyang aron pakaulawan ang mga
tawong gamhanan. 28Gipili sa Dios ang mga sinalikway ug mga
tinamay niining kalibotana ug ang gipakawalay bili sa mga tawo aron paghimong
walay kapuslanan niadtong mga butang nga giisip nilang mahinungdanon 29aron wala gayoy makapagarbo sa atubangan
sa Dios.
Si Jesus nagpakita ug mga
milagro sa mga timawa, sa mga dili takus ug ngadto sa napasagdan aron iyang mapakita ang iyang gahum. Ang
magbalantay sa karnero makatabang kanato sa pagpasabot nga ang Dios adunay usa
ka mensahe sa makasasala nga sama kanako ug kanimo. Karon tan-awon nato ang mga
pipila ka tubag ug reaksyon sa mga magbalantay aron ato usab kining buhaton sa
adlaw adlaw nga pagkinabuhi diha kay Kristo.
Ang magbalantay sa karnero...
1. Matinagdanon /Attentive.
Ang unang butang nga atong makita niining magbalantay sa mga carnero mao nga
sila matinugdanon sa ilang trabaho. Paminaw sa Lucas 2: 8: " Niadtong dapita may mga magbalantay sa karnero nga nagtukaw sa
kagabhion aron pag-atiman sa ilang mga hayop didto sa kaumahan."
Sila ang magbalantay nga masaligan. Wala gayud sila mubiya sa ilang trabaho.
Sila mitraboho 24/7 mao nga masaligan sila sa pagbantay sa mga karnero.
Matikdi nga ang Dios miadto sa
mga tawo nga matinagdanon sa ilang trabaho ug ilang gibuhat gayud kini. Sila
wala nagtinapol sa ilang trabaho ug ang anghel mismo nagpakita kanila, sa ilang
atubangan. Ingon man usab, kong asa ka gitawag sa Ginoo, o kon unsa man ang
ipabuhat Sa Ginoo kanimo, buhata kini Sa kinasingkasing gayud. Be attentive
with your job all the time.
Colosas
3:23 “Bisan unsay inyong buhaton, buhata kini sa kinasingkasing sama nga inyo
kining gibuhat alang sa Ginoo ug dili alang sa mga tawo.”
Ang magbalantay sa karnero...
2. Nataha/Nahibulong/wonder.
Samtang nagbuhat sila ilang mga responsibilidad, sa kalit nakuratan sila sa usa
ka manulonda nga adunay langitnong pahibalo... ug unsay ilang reaksyon? Lucas
2: 9 “Mitungha kanila
ang usa ka anghel sa Ginoo ug midan-ag kanila ang himaya sa Ginoo busa nalisang
kaayo sila.” Nangalisang silang tanan. Sa diha ang himaya Sa Dios
mukonsad usab sa atubangan nato, mao usab ang atong buhaton - malisang. Kay ngano
man? Tungod kay sya balaan ug kita makasasala. Si Pedro gani, disipolo Ni
Jesus. Sa dihang nga nangisda sila Sa tibuok gabii wala silay nakuha apan Sa
pagkabuntag Si Jesus mingon kanila nga itaktak ang ilang pukot Sa tubig ug Sa
dihang nangawas nag mga isda, Si Pedro miluhod Sa atubangan Ni Kristo ug miingon “Palayo kanako Ginoo,
kay makasasala ako!” Mao usab kini ang tubag o reaksyon Sa magbalantay Sa karnero.
Ako? Dili man sad ko angay sa among gasa, sa kaluwasan nga akong naangkon diha
kang Kristo. Apan salamat Sa grasya Sa Ginoo bisan Kita makasasala iyang gipadala
ang iyang bugtong anak aron Sa pagluwas Sa makasasala ug isa ko nga nakaangkon
ninii.
Ang magbalantay sa karnero...
3. Mingdawat sa maong mensahe. Ang matinagdanon nga mga magbalantay
napuno sa kataha ug karon sila modawat sa mensahe sa maayong balita sa dakung
kalipay sa Lucas 2: 10-15: "10 Apan miingon
ang anghel kanila, “Ayaw kamog kahadlok! Ania ako nagdalag maayong balita alang
kaninyo nga makalipay kaayo sa tanang katawhan. Ang anghel mipakalma kanila, nagsulti nga siya nagdalag maayong balita
sa pagdawat, kapasayloan ug paglaum.” Mao nga magpasalamat Kita ug maglipay kay
nahitabo kining pasko. Kay Kong wala
nahitabo kining pasko, wala tay kapasayloan Sa atong sala.
Kining pulong ‘ebanghelyo’ nagpasabot kini nga maayong balita Sa dakong
kalipay. Hilabihang kadako. Kining mensahe o ebanghelyo alang kini Sa tanang
tawo, apan gusto ko emphasize ang pulong “kamo”. Kining ebanghelyo alang kini
Sa tanan apan gusto ko ipaabot sa inyoha nga himoa kining personal. Nga sa
dihang dawaton nimo si Jesus nga imong manluluwas ug masinati nimo ang iyang
milagrosong butang sa imong kinabuhi, nagatuo usab ako nga ang angel sa
kalangitan nagadayeg uban kanimo. v13 “ang dakong
panon sa mga anghel sa langit nga nag-awit ug mga pagdayeg sa Dios:
14“Dalaygon ang Dios sa kahitas-an, ug
sa yuta panagdait
sa mga tawo nga iyang gikahimut-an!”
Atong nasayran
nga kining magbalantay sa karnero midawat sa maong mensahe ug ang ilang tubag mao
sa v15? “Mangadto kita sa Betlehem ug tan-awon nato kining nahitabo
nga gipahibalo kanato sa Ginoo.”
Nadawat na ba nato ang ebanghelyo, ang gasa nga mao si Jesus sa atong
kinabuhi? Ug gitugotan ba nato ang pulong sa Dios nga maoy maglihok sa atong
kinabuhi? Ang maayong balita sa Dios maoy usa ka gasa nga kinahanglan dawaton
ug magkinabuhi niini.
Si Apostol Pablo nag-inong 1 Tesalonica 2:13: "Ug gipasalamatan usab namo kanunay
ang Dios kay sa dihang giwali namo kaninyo ang iyang mensahe namati kamo ug
gidawat ninyo kini dili ingon nga iya sa tawo kondili iya gayod sa Dios kay ang
Dios naglihok diha kaninyong mga magtutuo.
Ang magbalantay sa karnero...
4. Milihok. Kining mga magbalantay sa mga karnero
wala lang modawat ug makatagamtam sa maong mensahe nga ilang nadawat, sila usab
milihok ug ninglakaw. Tan-awa sa Lucas 2:16: "16Busa midali sila pag-adto ug nakit-an nila si Maria
ug si Jose ug ang bata nga naghigda sa pasungan." Ang pulong
"midali” nagpasabot nga sila mibiya sa madali. Ang ideya mao nga "pagdali,
mangadto ta!" Sa pagkatinuod kining panghitabo talagsaon ra kini buhaton
sa usa ka magbalantay sa karnero tungod kay ang mga magbalantay sa carnero
naanad ni silag hinayhinay sa paglakaw sa ilang kahayupan. Nagkinahanglan ni
sila ug dakong pasensya. Apan nahimo nila ang paglakaw paingon sa
bethlehen.
• miadto sila ug nakita gayod nila ang bata sa
ilang mga mata kong unsa ang gisulti sa anghel kanila.
• 17Sa diha nga ang mga magbalantay
nakakita sa bata, gisugilon nila ang gisulti sa anghel mahitungod kaniya. 18Ug ang tanang nakadungog niini nahibulong sa
gibalita kanila sa mga magbalantay sa karnero.
Mao nga sa dihang nadawat nato ang maayong balita
ug nasinatian nato sya atong kinabuhi, ato usab kini isugilon uban tawo aron
sila usab makadawat kang Kristo nga maoy manluluwas sa
ilang mga sala.
Ang magbalantay sa karnero...
5. Misimba. 20Unya namauli ang
mga magbalantay nga nag-awit ug mga pagdayeg sa Dios tungod sa tanan nga ilang
nadungog ug nakita sumala gayod sa gisugilon kanila sa anghel." Ang mga magbalantay sa karnero namauli
ug mibalik na sa ilang trabaho apan kining magbalantay sa karnero nanga-usab na
sila, aduna nay pag-awit ug mga
pagdayeg sa Dios tungod sa tanan nga ilang nadungog ug nakita. Sila wala natingala sa ilang nakita, kundili
pagsimba sa ilang nakita.
Ang usa ka ebidensya nga ang tawo nakabig, mao nga sya kanunay nga
mosimba ug managdayeg sa Dios. Tugoti
ang imong kaugalingon niini pasko nga magsimba ug magkalipay tungod sa tanan
nga imong nakita ug nadungog. Nagalaum ako nga sunod ugma ug uban pang panahon ikaw mausab pinaagi sa
grasya ni Jesus.
Ang mga magbalantay sa
karnero nangausab ug naglipay tungod sa ilang nadungog ug nakita ug kita usab
mahimo nato kini nga ehemplo:
1.
Matinugdanon
sa unsa ipabuhat sa Ginoo kanimo
2.
Mataha sa
mensahe sa Ginoo kanimo
3.
Dawata ang
Gasa nga mao nag maayong balita
4.
Buhata kon
unsa ang tama
5.
Simbaha si
Jesus 24/7
Katapusang pangutana:
Siya ba ang imong manluluwas?
Siya ba ang imong Christo?
Siya ba ang imong Ginoo?
Kini ang panahon nga imong masiguro nga si Jesus natawo alang kanimo ug
kanako.
Mag-ampoa ta:
