Kaputli - Ang Dalan sa Kalipay
Mateo 5:8
Dave A
Maayong buntag ug happy mother’s day.
UBAY UBAY ANG MGA NANAY KARON HA. Salamat sa inyong presensya nga nakahatag usab kanako ug kadasig bisan wala akong mama karon diri apan ania kamo.
Usa ka butang nga dili nako makalimtan sa akong mama mao ang iyang pagkakugihan ug maampuon sa Diyos. Usa ka higayon niaana miadto mi sa among uma aron sa paglimpisa sa patatasan. Sa akong tan-aw tan-aw pirting layua ug sangkuanan sa maong tanom, tapos lima pa gyud ka tudling ang sakopon ug hinayhinay sa paglimpisa hangtog musangko kini. Giantos nila ang ka-init, kakapoy, kalisod ug kahugaw aron lang mahinloan kadtong kaumahan. Apan bisan paman niana ang ilang kahago nakambyuhan gihapon ug kalipay kay kadtong ilang gibuhat gipanalanginan. Ug miuswag pud ang ilang ministry didto sa kabukiran. Usa ka kamatuuran niana nga ako ug ang akong mga igsoon nakahuman ug pastor ug aduna na pud silay mga trabaho na karon.
Mao nga mga nanay magsadya kamo karon kay inyong karon nga adlaw. Ug ang mga anak ug bana silbihi sad iyong asawa kay tagsa ra biya ni mahitabo sa isa ka tuig.
__________
Usa ka popolar nga TV show sa Discovery Channels mao ang “Dirty Jobs” nga gidumalahan ni Mike Rowe. Ginapakita nila sa show ang mga nagkalain-laing nga mga hugaw ug dilikado nga mga trabaho. Usa ka manunulat nga nagaingon nga ang pinakahugaw nga trabaho mao ang… basuriro, tagahinlo sa kasilyas, coal minero, tubero ug septic-tank inspector.
Usa ka episode sa iyahang show, si Mike ug kauban sa iyahang grupo nag inspection ug septic tank sa usa ka dako nga building. Samtang tua sila didto… gitunulan siya ug usa ka plastic nga tubig… ug gipangutana sya kong makainon ba sya ug tubig… apan siya mihukon nga dili sya moinom.
___________
Ang atong patukuranan karon makita sa Mateo 5:8 nga nagaingon… "Bulahan ang mga maputli ug kasingkasing kay makakita sila sa Dios.” Mateo 5:8
Ang Dios nagtinguha kanato nga pagpabilin nga putli/limpyo sa taliwala niining hugaw nga kalibutan. Nganong hugaw? Tungod kay ang SALA mao ang ginahimo sa kadaghanan. May mga panahon nga kamo or ako makasugat sa nga tintasyon o kaha mga hugaw nga mga binuhatan niining kalibutan, apan ang Diyos nagtinguha nga kita dili gyud mahugawan. Tama na kadtong mga niaaging mga panahon nga kamo naglunang sa pagkasala ug karon iya na kamong gihinluan ug giluwas gikan sa mga sala.
Adunay tulo ka praktikal nga mga pangutana nga atong pagahisgutan karon nga makita niining bersikolo.
Una, Kinsa ang mga putli ug kasingkasing?
Sa unsang paagi nga sila makakita sa Dios?
Ug nganong sila malipayon?
Kong aduna man kamo’y mga tubag nga dili nako mahisgutan karon, isulat nimo kana sa may “sermon’s note” ug kon may mga panahon kamo sa paghimayhimay sa polong sa Ginoo, I share ninyo kini sa uban…
Mag ampo sa ta!
I. Kinsa ang mga putli ug kasingkasing?
Ang pulong “putli” gigamit sa Bag-ong Tugon mga ika 28 ka beses. Apan unsa man ang kahulogan niini? Kung “Putli ba ug kasingkasing” wala na ba silay tinguha sa kinabuhi, maayo ba permi ang iyang panglawas, o wala bay emotional nga pagbati sa uban? Kini ba sila ang mga Santos nga wala nay konekyos sa ubang tao? Ang putli ug kasing kasing hingpit na… nga dili na makasala?
Siyempre dili. Si Jesus nianhi sa kalibutan aron sa pagluwas kanato… ug iyang naagian ang kahimtang sa usa ka normal nga tao… pero wala sya nakasala. Mao nga siya nagtudlo sa mga tao nga kong adunay kamoy problema o kabalaka hatagan niya ug maayong tambag. Siya mitanyag kanila maayong tambag , nga kon ilang sundon, sa kanunay ang diyos magpanalangin ug mogiya kanato sa mas maayo pa nga kinabuhi.
A. Ang putli og kasingkasing mao ang mga tawo nga gihinloan. Ang paghinlo mahitabo sa tao kong iyang gisalig ang iyang kinabuhi diha kay Kristo. Ang pagputli dili mahitabo sa imong kaugalingon kabuboton, nagkinahanglan ug Ginoo nga mao ang maglimpyo sa atong kinabuhi. Sa pagkatinood, si Ezekiel nagaingon sa capitolo 36 bersikolo 26 “Hatagan ko usab kamo sa usa ka bag-o nga kasingkasing, ug ang usa ka bag-ong espiritu igabutang ko sa sulod ninyo; kuhaon ko ang batoon nga kasingkasing gikan sa inyong unod, ug hatagan ko kamo sa usa ka kasingkasing nga unod.” Ang pagkaputli mahitabo kong kita nahimong bag-ong binuhat.
Apan kanang imong kaluwasan dili pa igo aron ikaw maputli. Kay ang pagkaputli ug kasingkasing dili mahitabo sa usa lamang ka kasinatian, kundili sa adlaw adlaw nga pagsugid sa atong mga sala nga morisulta sa kanunay nga paghinlo gikan sa atong Ginoo. (bairan) Kung napakyas ka sa pagkaamgo niini usahay nagpatin-aw nga dili malipayong ang imong pagkakristohanon nga kinabuhi. Mao ang Diyos nagapromise sa iyang mga pulong sa Juan sa 1:9 "Kon isugid ta ang atong mga sala, siya kasaligan ug makatarunganon nga tungod niana mopasaylo siya sa atong mga sala ug magahinlo kanato gikan sa tanang pagkadili makatarunganon." (Juan 1:9).
B. Ang putli og kasingkasinga adunay usa ka tumong sa kinabuhi. Ang pagkaputli nagpasabot nga adunay maayong hunahuna, nga gigiyahan pinaagi sa usa ka katuyoan. Kong unsa man ang imong kahimtang, ginabuhat o trabaho karon, kong asa ka nga lugar dal-on sa Diyos, himoa nga ang Diyos nalipay sa imong kinabuhi.
Ang atong tumong sa kinabuhi kinahanglan nga matukma kini sa plano sa Diyos alang kanimo. Ang putli og kasingkasing mao ang mga tawo nga adunay usa ka tumong sa kinabuhi : sa paghimaya sa Dios.
C. Ang putli og kasingkasing mao ang mga tawo nga adunay limpyo nga mga hunahuna.
Proverbs 23:7 “Kay maingon nga siya nagahunahuna sa sulod sa iyang kaugalingon, sa ingon niana mao man siya: Kumaon ka ug uminum, siya magaingon kanimo; Apan ang iyang kasingkasing wala iduyog kanimo.”
Ang putli og kasingkasing mao ang mga tawo nga adunay limpyo nga mga hunahuna ug, Busa, ang usa ka limpyo nga kinabuhi adunay kalipay .
II. Sa unsang paagi nga sila makakita sa Dios?
"Bulahan ang mga maputli ug kasingkasing kay makakita sila sa Dios.
Apan sa unsang paagi? Ang putli ug kasingkasing makakita sa Dios pinaagi sa pagsinati sa kamatuoran , dili pinaagi sa pagtan-aw sa pisikal nga mga mata. (kay sauna bitaw buhi pa si Jesus wag man gyud mituo sa iyaha)
Sa pagtan-aw sa Dios mao ang pagsinati nga siya maghimog mga butang daw imposible alang kanimo. Ang kaputli magakuha sa mga babag nga makapahanap ug nakaguba sa tinuod nga dalanon. Mao nga ang mga putli og kasingkasing makakita sa Dios .
A. Ang mga putli og kasingkasing makakita sa Dios pinaagi sa mga iyang gikinahanglanon .
Usahay kong tan-awon nako ang akong kinitaan sa tibook bulan kulang ra sya sa akong gikinahanglanon sa adlaw adlaw. Apan natingala ako nga hangtod karon ako nakapadayon ug gi provide sa Ginoo ang sa akong gikinahanglan. Ikaw? Di ba ka makapasalamat niana? Isalig sa Diyos ang imong gikinahanglanon igsoon kay sya magpakita kanimo ug milagro. Paningkamot nga mahimong putli ang imong kasingkasing. Pangitaa ang Diyos adlaw adlaw….
B. Ang putli og kasingkasing makakita sa Dios pinaagi sa iyang kasinatian karon. Ingon pa sa uban kini daw nga pulong mahitabo pa sa umaabot. "Oo, sila makakita sa Dios." Siyempre kini tinuod nga sa ulahing mga adlaw kita makakita kaniya sa nawong ug nawong . Apan ang tinuod usab, nga ang Dios nahimong buhing pulong ug higala sa tanan. Kumusta ang imong kinabuhi? Nakasinati ka ba sa iyang presensya karon? Kasagaran sa atoa adunay problema diba? Nidool kaba sa iyaha? Nahimo mo ba sya nga higala? Ingon sa polong sa ginoo… umari kanako kamong tanan nga gikapuyan ug gibug-atan, ug papahulayon ko kamo. Sinatia ang Diyos sa imong kinabuhi kay andam sya nga pumakita ug milagro sa imong kinabuhi karon.
III. Nganong sila malipayon ?
"Bulahan ang mga maputli ug kasingkasing kay makakita sila sa Dios.
Sa ubang translation ang polong Bulahan mao ang malipayon. Ug ang tubag ngano sila malipayon tungod kay "kay sila makakita sa Dios . " Ang putli og kasingkasing mao ang mga malipayon tungod kay sila makakita sa Dios . Ug sa diha nga sila makakita sa Dios:
A. Sila nakakita sa ilang mga dautang kaugalingon/binuhatan. Sa diha nga sila nakakita sa Dios siya makahimo sa pagtan-aw usab sa iyang kaugalingon . Job miingon, "Ang akong mga igdulungog nakadungog kaninyo , apan karon ang akong mata nakakita kanimo. Busa ako nagatamay sa akong kaugalingon , ug maghinulsol sa abug ug abo " ( Job 42:5-6 NIV) . Sa diha nga kita makakita sa Dios , kita usab nasayud sa atong mga sala . Ug sa diha nga kita makakita sa atong mga sala ug ngadto sa Ginoo nga kaputli mahimo nga usa kana ka kamatuoran .
B. Sila mausab. Mao kini ang gusto sa Diyos nga kita mausab. Mausab ang atong panglantaw sa kinabuhi. Mausab ang atong pagtan-aw sa atong isig ka tao nga dili lang nato makitan ang iyang kahuyang og pagkadaotan kundili makita nato ang Diyos sa iyahang kinabuhi. Tungod kay gihimo sab siya pariho sa dagway sa Diyos.
C. Sila makaangkon og kaisog . Sama ni Mosses, sa dihang nakakita siya sa diyos Adona na siya kaisog og determinasyon aron sa pag-atubang sa mga Ehiptuhanon.
Dili man ta pariho sa problema ni Moses apan gihatagan kag kaisog aron sa pag-atubang sa nagkalain laing problema adlaw adlaw. Kay ang Diyos dili maghatag ug dagko nga palas-anon/problema nga dili nato makaya.
D. Sila mahimong mapuslanon . Ang tawo nga nakakita sa Dios andam sa pag-alagad kaniya . Usa ka panan-awon sa Dios sa kanunay naghatag og usa ka nagdilaab nga tinguha sa pag-alagad kaniya . Sama sa pagtawag sa Ginoo kay Isaias, unsay tubag niya? "Ania ako; ipadala ako" ( Isa. 6:8 ). Ug si Pablo, sa nahimamat niya si Cristo sa dalan sa Damasco , nangutana , " Ginoo , unsa ba ang buot mo nga pagabuhaton ko? " ( Buhat 9:6 ) .
E. Sila gibati ug kalipay sa presensya sa Dios . kay kadtong nakakita sa Diyos napanalangainan. Ug sa dihang nagwali si pedro ug juan nahibulong ang mga tao sa ilang gipanulti. ( Buhat 4:13 ) .
Panapos :
Sa katapusan… USa ka higayon niaan si Alfred Tennyson gipangutana , " Unsa ang imong dakung tinguha sa kinabuhi? " Siya mitubag , "Usa ka tin-awng panan-awon sa Dios." Tingali mao usab kini atong gibati karon, dili tin-aw/klaro ang atong panan-awon diha sa Diyos. Apan si Jesus nagadasig kanato nga “Bulahan ang mga maputli ug kasingkasing, kay sila makakita sa Dios . "
